Viðburðaríkur ferðadagur að kveldi kominn

Um borð í Herjólfi á leið til Vestmannaeyja.

Þetta hefur aldeilis verið frábær dagur hjá okkur og drengirnir til mikillar fyrirmyndar.  Ferðalagið gekk frábærlega vel og allir komust heilir á húfi til Vestmannaeyja þar sem beið okkar skemmtileg dagskrá.

Við fórum í rútuferð um Heimaey og sáum helstu kennileitin sem voru krydduð með skemmtilegum sögum bílstjórans.  "Lalli leiðinlegi" úr Vesturbænum, sem býr einn í Ystakletti, vakti m.a. margar spurningar hjá strákunum.

Eftir gönguferð um bæinn fórum við í stutta siglingu framhjá fyrrum dvalarstað Keikó og inn í Klettshelli í Ystakletti þar sem hress skipstjórinn spilaði nokkra vel valda tóna á saxafóninn sinn.

Matarnefndin er búinn að eiga stórleik í dag og gengur eins og smurð vél í orðsins fyllstu merkingu. Kvöldmaturinn rann líka vel í drengina, kjötbollur með brúnni sósu og kartöflum.  Kvöldkaffið var svo kakó ásamt grilluðum skinku & ost samlokum.  Eftir það var stuttur fundur með Andra þjálfara sem lagði aðaláherslu á góðan nætursvefn og við þau orð lögðust drengirnir til hvílu.  Góða nótt, Einar Áskell.

Við bættum mörgum myndum við á Flickr-svæðið okkar sem hægt er að nálgast hér til hliðar og svo reynum við að senda af og til stuttum skilaboð af okkar mönnum á Twitter sem birtast einnig hér til hliðar.  Ræs verður kl. 7 í fyrramálið fyrir A og C lið, en B fær að sofa litlu lengur þar sem þeir eiga ekki leik fyrr en síðar um morguninn.    

Að lokum viljum við benda á að senda okkur kveðjur/skilaboð.  Áfram Þróttur!